الیکشن کمیشن کی جانب سے ضمنی انتخاب کے چند گھنٹوں کے اندر فارم 47 جاری کرنے پر پی ٹی آئی نے ردعمل کا اظہار کیا ہے۔
ترجمان تحریک انصاف کے مطابق 8 فروری کو انتخابات کے بعد فارم 47 خلاف قانون کئی روز تک جاری نہ ہوئے ضمنی انتخاب کے چند گھنٹے بعد فارم 47 جاری ہونا حیرت انگیزہے۔
ترجمان نے کہا کہ فارم 47 کے اجرا میں پھرتیاں ثبوت ہیں کہ یہ پہلے ہی تیار کیے جا چکے تھے ضمنی انتخاب میں عوامی مینڈیٹ پر ڈاکے نے متعصبانہ اور مجرمانہ کردار پر مہر لگادی، پریزائیڈنگ افسران، پولنگ ایجنٹس کے اغوا کے بعد فارم 45 پر جبری دستخط کے شواہد موجود ہیں۔
بیان میں کہا گیا کہ مجرمانہ سہولت کاری پر الیکشن کمیشن سمیت ذمہ داران کا محاسبہ کیا جائے پی ٹی آئی لاقانونیت کیخلاف آئینی جدوجہدعوام کے چوری مینڈیٹ کےحصول تک جاری رکھےگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں