The news is by your side.

Advertisement

سرفراز! تمھارا بیٹا نرسری میں فرسٹ آئے

چیمپئنز ٹرافی کے فائنل میں بھارت کو عبرت ناک شکست دے کر قومی ٹیم نے عوام کو عید سے پہلے عید کا تحفہ دے دیا‘ اس موقع پر کپتان سرفراز کو کچھ لوگ سوشل میڈیا پر انتہائی دلچسپ دعائیں دے رہے ہیں۔

اوول کے تاریخی میدان میں آئی سی سی چیمپئنز ٹرافی کے فائنل میں پاکستانی ٹیم نے روایتی حریف بھارت کو 180 رنز سے شکست دے کر ٹائٹل اپنے نام کرلیا، عمدہ کارکردگی کا مظاہرہ کرنے پر فخر زمان کو مین آف دی میچ جبکہ حسن علی کو ٹورنامنٹ کا بہترین کھلاڑی قرار دیا گیا۔

چیمپیئنز ٹرافی 2017 کے فائنل کے لیے پاکستان نے پہلے بیٹنگ کرتے ہوئے بھارت کو مقررہ اوور میں 339 رنز کا ہدف دیا جس کے جواب میں بھارتی ٹیم صرف 158 رنز ہی بنا سکی۔

پاکستان کی جانب سے تینوں فارمیٹ میں شاندار کھیل کا مظاہرہ کیا گیا، بیٹنگ کے بعد شاہینوں نے باؤلنگ اور فیلڈنگ میں بھی عمدہ کارکردگی کا مظاہرہ کیا، محمد عامر اور حسن علی نے تین تین کھلاڑیوں کو پویلین بھیجا جبکہ شاداب خان نے 2 اور جنید خان نے ایک وکٹ حاصل کی۔


پاکستان کرکٹ کا چیمپئن بن گیا


کپتان سرفراز احمد نے جیت کا کریڈٹ تمام کھلاڑیوں کو دیتے ہوئے کہا کہ بھارت سے شکست کے بعد لڑکوں کو کہا کہ ٹورنامنٹ ابھی ختم نہیں ہوا آئندہ میچوں میں اچھی کارکردگی سے ہم ایونٹ اپنے نام کرسکتے ہیں۔ انہوں نے کہا کہ لڑکوں نے اچھی کارکردگی دکھائی محمد عامر سمیت تمام نوجوان کھلاڑیوں نے پاکستان کو فتح دلوانے میں اہم کردار ادا کیا۔

سرفراز احمد نے کہا کہ نوجوان کھلاڑیوں کی وجہ سے پاکستان کو فتح کا سہرا نصیب ہوا، اچھی کرکٹ کھیلی تو آج ہم چیمپئن بن گئے، دنیا بھر میں موجود پاکستانیوں نے ہماری فتح کے لیے دعا کی اُن تمام لوگوں کا شکر گزار ہوں۔

سوشل میڈیا پر ’سرفراز‘ کے چرچے


جہاں دنیا بھر میں پھیلے ان کے مداحوں نے سرفراز اور قومی ٹیم کی فتح کی دعا کی تھی تو وہیں فتح کے بعد کچھ منچلے سرفراز کو انتہائی دلچسپ دعاؤں سے بھی نوازتے نظر آئے۔

کسی نے سوشل میڈیا پر لکھا کہ سرفراز  کو روزہ نہ لگے ‘ مارکیٹ جائیں تو انہیں سستا فروٹ ملے‘ ان کا خربوزہ میٹھا نکلے۔

یہ دعا بھی دی گئی کہ سرفراز کا بیٹا (عبداللہ) نرسری میں فرسٹ آئے۔

لوڈ شیڈنگ اور پانی کی قلت سے دوچار عوام نے سرفراز کو دعا دی کہ ان کے گھر میں کبھی لوڈ شیڈنگ نہ ہو‘ وہ نہانے جائیں تو کبھی پانی ختم نہ ہو۔

اے آروائی کے گیم شو جیتو پاکستان کی مقبولیت کا اندازہ کیجئے کہ بھارت سے فتح کے شاندار کے موقع پر عوام نے جیتو پاکستان کو یاد رکھا اور سرفراز کا پچاس تولہ انعام نکلنے کی دعا دی۔

جہاں دعاؤں کا سلسلہ جاری تھا وہیں کسی نے یہ بھی لکھا کہ اب خوشی میں اپنے بچوں کے نام کینسل کرکے سرفراز مت رکھ دینا۔

ایک منچلے نے تو ویرات کوہلی اور انوشکا کو بھی نہ بخشا۔

الغرض سب نے ہی اس شاندار اور تاریخی فتح پر اپنے اپنے طریقے سے خوشی کا اظہار کیا جس کے اظہار کے لیے واقعی الفاظ کم پڑگئے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال
پرشیئرکریں۔

Print Friendly, PDF & Email

Comments

comments

یہ بھی پڑھیں