The news is by your side.

Advertisement

سندھ کی 2طالبات اقوام متحدہ کی جنرل اسمبلی میں اسٹوڈنٹس ریپریزنٹیٹیو کونسل کی ممبر منتخب

کراچی : سندھ کے سرکاری اسکولوں کی دو طالبات اقوام متحدہ کی جنرل اسمبلی میں اسٹوڈنٹس ریپریزنٹیٹیو کونسل کی ممبر منتخب ہوگئی ہیں۔

سندھ کے سرکاری اسکولوں کی دو طالبات اقوام متحدہ کی جنرل اسمبلی کیلئے منتخب کی گئی ہیں، جو جنرل اسمبلی میں بچوں کی شادی اور بچوں کے حقوق کے موضوعات پر اپنے مقالے پیش کرے گی۔

پاکستان کیلئے یہ ایک عالمی اعزاز ہے کہ سرکاری اسکولوں سے تعلق رکھنے والی کم عمر طالبات اقوام متحدہ کی جنرل اسمبلی میں اپنی سفارشات بھی پیش کریں گی ، دونوں طالبات کا انتخاب کل پاکستان بنیاد پر مختلف تعلیمی اداروں کی طالبات کے درمیان سخت مقابلے کے بعد عمل میں آیا۔

تیئیس ستمبر کو نیویارک جانے والی طالبات میں گورنمنٹ گرلز ہائی اسکول ٹھٹھہ کی درخشاں جوکھیو اور گورنمنٹ گرلز ہائی اسکول ساکرو کی ثناء آرائیں شامل ہیں ۔

گورنمنٹ گرلز ہائی اسکول ٹھٹھہ کی پرنسپل زینب شاہین کے مطابق یہ اعزاز پوری پاکستان کی طالبات کیلئے ہے، انہوں نے بتایا کہ دونوں طالبات اسٹوڈنٹس ریپریزنٹیڈیو کونسل کے ممبر کی حیثیت سے شرح خواندگی پروگرام پروجیکٹ پر اظہار خیال کریں گی ۔

شرح خواندگی پروگرام حکومت پاکستان کے پلان کا حصہ ہے ، پروجیکٹ کا بنیادی مقصد پرائمری تعلیم پر توجہ دینا ہے، ٹھٹھہ اور ساکرو کے 24 اسکولوں میں سے ان طالبات کا انتخاب کیا گیا، اسکول پرنسپل کے مطابق دونوں طالبات کا تعلق غریب اور متوسط گھرانوں سے ہے۔

Print Friendly, PDF & Email

Comments

comments

یہ بھی پڑھیں