The news is by your side.

Advertisement

دہشت گردی کے خلاف جنگ میں‌ فتح‌ ہماری ہوگی، چیف جسٹس

اسلام آباد: چیف جسٹس آف پاکستان جسٹس ثاقب نثار نے کہا ہے کہ عدلیہ کے پاس اختیارات ہیں اس لیے تمام ججز قانون کے مطابق فیصلہ کرنے کے پابند ہیں اور اب عوام کو انصاف ہوتا نظر آئے گا، دہشت گردی کے خلاف جاری جنگ جیتنے کے لیے سب کو اپنا اپنا کردار ادا کرنا ہوگا۔

پاکستان بار کونسل کے عشائیے میں خطاب کرتے ہوئے جسٹس ثاقب نثار نے کہا کہ بنچ اور بار ایک دوسرے کے لیے لازم و ملزوم ہیں، عدلیہ کے پاس فیصلہ کرنے کے اختیارات ہیں اس لیے تمام ججز قانون کے مطابق فیصلہ کرنے کے پابند ہیں۔

انہوں نے کہا کہ اب عدلیہ اور بار کونسلز کے درمیان جاری شکایات کو ختم کیا جائے گا اور کوشش کی جائے گی کہ مستقبل میں کسی کو کوئی شکایت نہ ہو، ججز کی تقرری آئینی طریقوں سے پوری کی جائے گی تاکہ کوئی انگلی نہیں اٹھا سکے۔

چیف جسٹس آف پاکستان نے کہا کہ اعلیٰ عدلیہ میں ججوں کی تقرری میرٹ پر کی جائے گی تاکہ ملک کی خدمت میں وکلاء بھی اپنا بھرپور کردارادا کریں اورعوام کو بھی انصاف ہوتا نظر آئے۔

Print Friendly, PDF & Email

Comments

comments

یہ بھی پڑھیں