The news is by your side.

Advertisement

بچوں کا اغوا جاری، لاہور میں ماں سمیت دو بچیاں‌ لاپتا

لاہور: پنجاب بھر میں بچوں کے اغوا کا سلسلہ نہ رک سکا،۔شہریوں نے اپنی مدد آپ کے تحت اغوا کاروں کو پکڑنا شروع کردیا، لاہور میں دو بچیاں ماں سمیت لاپتا ہوگئیں،راولپنڈی سے اغوا ہونے والے سولہ سالہ عتیق الرحمان کو بہاولپور پولیس نے بازیاب کرلیا

پنجاب بھر میں بچوں کے اغوا میں خوفناک اضافہ ہوگیا،اطلاعات کے مطابق لاہور کے علاقے گرین ٹاؤن سے ماں سمیت دو بچیاں لاپتا ہوگئیں۔والد عبدالقدیر کا کہنا ہے کہ سات سالہ فاطمہ، چھ سالہ زینب کو والدہ چھٹی کے وقت اسکول سے لینے گئی تھی اور اب تک واپس نہ آئی۔

اسی طرح فیصل آباد کے علاقے سمن آباد میں صوبائی وزیر قانون رانا ثناء اللہ کی رہائش گاہ کے قریب ساتویں جماعت کا طالب علم بارہ سالہ ابراہیم مبینہ طور پر اغوا ہوگیا،لواحقین نے احتجاج کرتے ہوئے مدنی چوک کو آگ لگا کر سڑک بند کردی۔

نارووال سٹی کے علاقے مرغی خانے کے قریب سے بچے اغوا کرکے بھاگنے والا شہریوں کے ہتھے چڑھ گیا، اغوا کار نےدس سالہ بچےگلفام کو گھر کے باہر سے ا غوا کیا تھا۔لوگوں نے اغوا کارکو تشدد کے بعد پولیس کے حوالے کر دیا۔

Print Friendly, PDF & Email

Comments

comments

یہ بھی پڑھیں