کراچی: پنکچر لگانے کا کام کرنے والامحنت کش ندیم نیب کے شکنجے میں آگیا، ملزم کو نیب نے غیر قانونی اراضی الاٹمنٹ کیس میں گرفتار کرکے عدالت میں پیش کردیا۔
تفصیلات کے مطابق احتساب عدالت میں اسکیم 33 میں 25 ایکڑ زمین کی غیر قانونی الاٹمنٹ کیس کی سماعت ہوئی تو نامزد ملزم کو عدلت میں پیش کیا گیا۔
نیب کے وکیل نے موقف اپنایا کہ غیر قانونی الاٹمنٹ کے23پلاٹ ندیم اورعامرعلی کےنام پرہیں جس پر محنت کش ندیم نے عدالت کو بتایا کہ میں گولیمار میں پنکچر لگانے کا کام کرتا ہوں مجھے پلاٹس کا علم نہیں ہے۔
ملزم کے بقول جب چائے کا کام کرتاتھاتواقبال میمن نامی شخص نےشناختی کارڈمانگا تھا ، شناختی کارڈ واپس مانگا تو اقبال میمن نےٹال مٹول سے کام لیا۔
نیب وکیل نے بتایا کہ ملزمان نے پاک پنجاب سوسائٹی کےنام پر شہریوں سے فراڈ کیا جب کہ ریفرنس میں 8 ملزمان پلی بارگین کرچکے ہیں۔
عدالت نے فریقین کے دلائل سننے کے بعد ملزم ندیم کو 25 نومبر تک کےلیے عدالتی ریمانڈ پر جیل بھیج دیا۔
