The news is by your side.

Advertisement

فرقہ وارانہ قتل ودہشتگردی، بچی سے زیادتی کے مقدمات میں سزائیں

عدالتوں نے فرقہ وارانہ قتل ودہشتگردی کیس میں افسر حسین کو دو بارعمرقید، بچی سے زیادتی کے مجرم طارق حبیب کو عمرقید کی سزا سنائی۔

اے آر وائی نیوز کے مطابق اے ٹی سی نے فرقہ وارانہ قتل اور دہشتگردی کیس جب کہ راولپنڈی سیشن عدالت نے دس سالہ بچی سے زیادتی کے مقدمے کا فیصلے سنادیے۔

انسداد دہشتگردی عدالت نے فرقہ وارانہ قتل اور دہشتگردی کیس میں مجرم افسر حسین کو دو بار عمر قید کی سزا سنائی۔

اے ٹی سی نے مجرم پر ڈیڑھ لاکھ روپے جرمانہ بھی عائد کیا ہے۔

ترجمان رینجرز کے مطابق افسر حسین کو 3 مارچ 2016 کو گرفتار کیا تھا اور دوران تفتیش اس نے عبدالستار نامی شخص کے قتل کا اعتراف بھی کیا تھا۔

ترجمان کے مطابق مجرم ایک سیاسی جماعت کا سرگرم کارکن اور دیگر پارٹیوں کے کارکنوں کے قتل میں بھی ملوث تھا، افسر حسین اسلحہ کیس میں جرم ثابت ہونے پر پہلے ہی سزا کاٹ رہا تھا۔

دریں اثنا راولپنڈی میں سیشن عدالت نے دس سالہ بچی سے زیادتی کے مقدمے کا فیصلہ بھی سنادیا۔

عدالت نے جرم ثابت ہونے پر مجرم طارق حبیب کو عمرقید اور ایک لاکھ روپے جرمانے کی سزا سنائی ہے۔

واضح رہے کہ مجرم کیخلاف10 سالہ بچی سے زیادتی کا مقدمہ تھانہ سٹی میں گزشتہ سال درج ہواتھا۔

Comments

یہ بھی پڑھیں