The news is by your side.

Advertisement

پنجاب: 24گھنٹوں کے دوران ڈینگی کے 533 مشتبہ کیسز رپورٹ

لاہور: صوبہ پنجاب میں گزشتہ 24 گھنٹوں کے دوران ڈینگی کے 533 مشتبہ مریض سامنے آگئے، ممکنہ ڈینگی متاثرین کو سرویلنس میں رکھ کر ٹیسٹ کیے جا رہے ہیں۔

تفصیلات کے مطابق ترجمان سیکنڈری ہیلتھ کیئر کا کہنا ہے کہ ڈینگی کے 533مشتبہ مریضوں کو سرویلنس میں رکھ کر ٹیسٹ کیے جا رہے ہیں، مشتبہ مریضوں کو ابتدائی طبی امداد دی جارہی ہے۔

ترجمان کے مطابق پنجاب میں اب تک ڈینگی کے مریضوں کی کل تعداد 45ہے، صوبے میں ڈینگی کے3مریض زیر علاج جبکہ 42 صحت یاب ہوچکے ہیں، صوبہ بھر میں رواں سال ڈینگی سے کوئی قیمتی جان ضائع نہیں ہوئی۔

پنجاب میں ڈینگی بخار کے 5 مزید کیسز رپورٹ

پرائمری اینڈ سکینڈری ہیلتھ کیئر کے ترجمان کا کہنا تھا کہ گزشتہ ایک ہفتےمیں صوبہ بھر کے 8,843 مقامات سے ڈینگی لاروا برآمد ہوا، عوام سے گزارش ہے کہ اردگرد کے ماحول کو خشک اور صاف رکھ کر ڈینگی وائرس سے محفوظ رہیں۔

انہوں نے مزید کہا کہ ڈینگی کی علامات ظاہر ہونے پر طبی رہنمائی کے لئے 1033پر رابطہ کریں، اگر ڈینگی ٹیمیں آپ کے علاقے میں نہ پہنچیں تو 1033 پر شکایت درج کروائیں۔

Comments

یہ بھی پڑھیں