The news is by your side.

Advertisement

پنجاب اسمبلی نے 5 ترمیمی آرڈیننس کی مدت میں توسیع کی منظوری دیدی

لاہور : اپوزیشن کے شور شرابے اور ایجنڈے کی کاپیاں پھاڑنے کے باوجود پنجاب اسمبلی نے پانچ ترمیمی آرڈیننس کی مدت میں توسیع کی منظوری دے دی۔

تفصیلات کے مطابق پنجاب اسمبلی میں صوبائی وزیر قانون راجہ بشارت نے پانچ ترمیمی آرڈیننس کی مدت میں 90 روز توسیع کی منظوری کےلیے قرار داد پیش کی تھی، جس پر اپوزیشن جماعتوں نے واویلا مچادیا۔

ذرائع کا کہنا ہے کہ اسمبلی نے آرڈیننس منظور کرلیے، شرگر فیکٹریز آرڈیننس کی مدت میں توسیع کی قرارادا کثرت رائے سے منطور ہوئی جبکہ پنجاب لوکل گورنمنٹ ترمیمی آرڈیننس کی مدت میں بھی توسیع کردی گئی۔

ذرائع کے مطابق پنجاب اسمبلی نے دی کمپنیز پرافٹ آرڈیننس کی مدت میں بھی نوے روز کی توسیع کی ہے جبکہ پنجاب اوورسیز کمیشن ترمیمی آرڈیننس کی مدت میں بھی توسیع کردی گئی ہے۔

Comments

یہ بھی پڑھیں