تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

پنجاب اسمبلی، کل ہونیوالے اجلاس کا ہدایت نامہ جاری

پنجاب اسمبلی کا اجلاس کل ہوگا جس کیلیے اسپیکر پنجاب اسمبلی چوہدری پرویز الہٰی نے ہدایت نامہ جاری کردیا ہے۔

اے آر وائی نیوز کے مطابق پنجاب اسمبلی کے اسپیکر چوہدری پرویز الہٰی نے اسمبلی کے کل ہونے والے اجلاس کیلیے ہدایت نامہ جاری کردیا ہے۔

جاری کردہ ہدایت نامے کے مطابق پنجاب اسمبلی کا اجلاس کل صبح ساڑھے گیارہ بجے ہوگا، اجلاس کے دوران اسمبلی میں مہمانوں کا داخلہ بند ہوگا۔

اسمبلی اجلاس کے جاری ایس او پیز کے تحت اراکین اسمبلی کو بھی ایوان میں موبائل فون لے کر جانے کی اجازت نہیں ہوگی اور اسمبلی میں داخلے سے قبل اراکین کو اپنے موبائل فونز سیکیورٹی عملے کو جمع کرانا ہونگے۔

ان ایس او پیز کے تحت خواتین اراکین اسمبلی کو بھی اپنے ہینڈ بیگز ایوان میں لے کر جانے کی اجازت نہیں ہوگی اور انہیں بھی اپنے ہینڈ بیگز سیکیورٹی عملے کو جمع کرانا ہونگے۔

ذرائع کا کہنا ہے کہ کل کا اجلاس ہنگامہ خیز ہوگا کیونکہ وزیراعلیٰ کے چناؤ کے بعد اجلاس غیر معینہ مدت تک کیلیے ملتوی نہیں ہوا تھا اس لیے اجلاس میں پی ٹی آئی کی جانب سے وزیراعلیٰ کے انتخاب پر بحث کا امکان ہے۔

تحریک عدم اعتماد کےباعث اسپیکر، ڈپٹی اسپیکر اجلاس کی صدارت نہیں کرسکیں گے۔

ذرائع نے بتایا کہ پنجاب اسمبلی کے کل ہونے والے اجلاس کیلیے پنجاب میں متحدہ اپوزیشن نے تیاری شروع کردی ہے۔

ذرائع کے مطابق پیپلز پارٹی اور مسلم لیگ ن نے اپنے تمام اراکین اسمبلی کو لاہور پہنچنے کی ہدایت کردی ہے جبکہ پی ٹی آئی کے ناراض علیم خان، ترین، چھینہ اور اسد کھوکھر گروپ کےارکان کو بھی حاضری کی ہدایت کی گئی ہے۔

ذرائع کا کہنا ہے کہ اجلاس سے قبل  اتحادی گروپوں کی پارلیمانی پارٹی کا مشترکہ اجلاس بھی منعقد کیے جانے کا امکان ہے۔

واضح رہے کہ پاکستان کا سب سے بڑا صوبہ پنجاب انتظامی بحران کا شکار ہے۔

مزید پڑھیں: عدالت نے حمزہ شہباز حلف برداری کیس کا فیصلہ سنا دیا

لاہور ہائیکورٹ نے نومنتخب وزیراعلیٰ پنجاب کے حلف کے حوالے سے کیس کا بھی فیصلہ سنادیا ہے اور کہا ہے کہ گورنر پنجاب کل تک خود یا کسی اور نمائندے کےذریعے حلف لیں، گورنر پنجاب کل تک حلف برداری لازمی کرائیں۔

Comments

- Advertisement -