پنجاب اسمبلی کا مال روڈ دھرنا اسکوائربن گیا -
The news is by your side.

Advertisement

پنجاب اسمبلی کا مال روڈ دھرنا اسکوائربن گیا

لاہور : پنجاب کے مختلف علاقوں کے اساتذہ کا سرکاری اسکولوں کی نجکاری کے خلاف احتجاجی دھرنا دوسرے روز بھی جاری رہا۔

تفصیلات کے مطابق محکمہ تعلیم پنجاب کی جانب اسکولوں کی نجکاری کے خلاف اساتذہ نے ایک بار بھی پنجاب اسمبلی کے باہر احتجاجی دھرنا شروع کردیا۔

دھرنے میں شریک اساتذہ کا مؤقف ہے کہ مطالبات کی منظوری تک احتجاج جاری رکھیں گے۔

قبل ازیں بھی پنجاب ٹیچر ایسو سی ایشن کی جانب سے سرکاری اسکولوں کی نجکاری کے خلاف تین روزہ کفن پوش دھرنا دیا گیا تھا، جس کے بعد وزیر تعلیم پنجاب رانا مشہود نے مظاہرین کے مطالبات کا جائزہ لینے اور اُن کی منظوری کے لیے کمیٹی بنانے کے اعلان کے بعد دھرنا ختم کرنے کا اعلان کیا گیا تھا۔

مزید پڑھیں : اساتذہ کا دو روز سے جاری کفن پوش دھرنا ختم کرنے کا اعلان

واضح رہے اسی مقام پر دو روز قبل ینگ نرسز پنجاب کی جانب سے دیاگیا پانچ روز دھرنا مطالبات تسلیم ہونے کے بعد ختم کرنے کا اعلان کیا گیا تھا۔

گزشتہ دو ماہ کے دوران مختلف محکموں کی ورکرز کی جانب سے یہ تیسرا دھرنا جاری ہے۔

 

Comments

comments

یہ بھی پڑھیں