لاہور : خواتین نیوز کاسٹرز خبریں پڑھتے ہوئے سر پر دوپٹہ رکھا کریں، پنجاب اسمبلی میں قرارداد پیش کردی گئی۔ اے آر وائی نیوز نے قرارداد کی کاپی حاصل کرلی۔
تفصیلات کے مطابق پنجاب اسمبلی میں قرارداد پیش کی گئی ہے کہ ٹی وی چینلز پرخواتین نیوز کاسٹرز کو دوپٹہ پہننے کاپابند بنایا جائے۔
قرارداد مسلم لیگ ن کی رکن اسمبلی مدیحہ رانانے پیش کی۔ قرارداد میں کہا گیا ہے کہ پیمرا خواتین نیوزکاسٹر کو پاکستانی اقدارکےمطابق دوپٹہ اوڑھنے کاپابندبنائے۔
یاد رہے کہ سابق صدر پاکستان جنرل محمد ضیاالحق کے دورمیں سرکاری ٹی وی پریہ پابندی لگائی گئی تھی،جس خاتون نیوز کاسٹرنےاس حکم پرعمل نہ کیا اسے گھربٹھادیا گیا۔
پیپلز پارٹی کی موجودہ رکن سندھ اسمبلی مہتاب راشدی نے احتجاجاً یہ حکم نہ مانا۔ ضیاالحق کے دورمیں ان پرسرکاری ٹی وی کے دروازے بند ہوگئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں