پنجاب اسمبلی میں گزشتہ دنوں ہونے والی ہنگامہ آرائی سے متاثر ہونے والی پی ٹی آئی کی رکن اسمبلی آسیہ امجد کی حالت تشویشناک ہوگئی۔
ترجمان تحریک انصاف کا بتانا ہے کہ آسیہ امجد پنجاب اسمبلی کے ایوان میں پولیس تشدد کا نشانہ بنی تھیں ان کی حالت تشویشناک ہے اور وہ کوما میں جاچکی ہیں۔
خاندانی ذرائع کے مطابق آسیہ امجد پچھلے 30 گھنٹوں سے وینٹی لیٹر پر ہیں اور ڈاکٹروں کا کہنا ہےکہ آسیہ امجد کے دماغ میں خون جم گیا ہے۔
ذرائع کا بتانا ہے کہ آسیہ امجد راولپنڈی کے ایک اسپتال کے آئی سی یو وارڈ میں زیرعلاج ہیں۔
پی ٹی آئی کی خاتون ممبر پنجاب اسمبلی آسیہ امجد اسمبلی کے اجلاس کے دوران ڈپٹی سپیکر کے ذریعے بلائی گئی پولیس تشدد کی وجہ سے اس وقت ہسپتال میں زیرِ علاج ہیں اور کومہ میں ہیں۔
امید ہے معزز عدلیہ اور ادارے اس واقع کا نوٹس لے کر آسیہ امجد اور اہلِ خانہ کو انصاف دلوائیں گے۔ pic.twitter.com/HP6VUI0Ro2
— Hasaan Khawar (@hasaankhawar) April 20, 2022