The news is by your side.

مخصوص نشستیں : پنجاب اسمبلی میں نمبر گیم دلچسپ ہوگیا

لاہور : پنجاب اسمبلی کی 5مخصوص نشستوں کے حوالے سے لاہور ہائی کورٹ نے نوٹیفکیشن جاری کرنے کا حکم دے دیا ہے۔

لاہور ہائی کورٹ کے اس حکم کے بعد پنجاب اسمبلی میں نمبر گیم مزید دلچسپ ہوگیا، اعدادو شمار کے مطابق پنجاب اسمبلی میں مسلم لیگ ن 131جنرل،34 مخصوص نشستوں کے ساتھ پہلے نمبر پر ہے۔

پیپلزپارٹی کے6 جنرل اور ایک مخصوص نشست کے ساتھ ارکان کی تعداد7ہے، حکومت کو 6آزاد ارکان میں سے5ارکان کی حمایت حاصل ہے۔

یاد رہے کہ چوہدری نثارعلی خان نے تاحال کسی سیاسی جماعت کی حمایت کا اعلان نہیں کیا ہے جبکہ حمزہ شہباز کو اتحادی اور ارکان سمیت ایوان میں 177 ارکان کی حمایت حاصل ہے۔

رپورٹ کے مطابق پنجاب اسمبلی میں پی ٹی آئی کی125جنرل اور33مخصوص نشستیں ہیں، پاکستان تحریک انصاف158ارکان کے ساتھ صوبے کی دوسری بڑی جماعت ہے۔

ق لیگ 8جنرل اور2مخصوص نشستوں کے ساتھ 10 ارکان پر مشتمل ہے، پی ٹی آئی اور ق لیگ کےکل ارکان کی تعداد 168ہے۔

منحرف ہونے والے ارکان کی20نشستوں پر ہونے والے ضمنی انتخابات پنجاب کی سیاست کا محور بن گئے ضمنی انتخابات نتائج پنجاب اسمبلی میں ن لیگ اور پی ٹی آئی کی عددی اکثریت کا تعین کریں گے۔

Comments

یہ بھی پڑھیں