تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پنجاب اسمبلی میں اراکین کے درمیان گرما گرمی، اجلاس ملتوی

لاہور : پنجاب اسمبلی کا اجلاس شروع ہوتے ہی تنازعہ کا شکار ہوگیا، حکومت اور اپوزیشن ممبران میں گرما گرمی کے بعد کورم پورا نہ ہونے پر اجلاس ملتوی کرنا پڑا۔

اجلاس کے آغاز میں ن لیگ کے رکن اسمبلی رانا مشہود نے گفتگو کرتے ہوئے کہا کہ کوئی غیر پارلیمانی بات کرے تو اس پر ایک دن کی پابندی عائد کی جاتی ہے۔

انہوں نے کہا کہ اپوزیشن کے پانچ ارکان پر پندرہ اجلاسوں کیلئے پابندی عائد کی گئی ہے، یہ پابندی غیر قانونی اور غیر آئینی ہے، اجلاس وہ افسران چلارہے ہیں جن کی اپنی عزت نہیں۔

رانا مشہود کا کہنا تھا کہ پرویز مشرف کے دور میں بھی اسمبلی میں ایسے غیر آئینی اقدامات نہیں ہوئے، یہ وقت گزر جائے گا رہے گی تو صرف ایمان کی عزت،اس لیے پنجاب اسمبلی کے اجلاس کا بائیکاٹ کر رہے ہیں۔

پینل آف چیئرمین میاں شفیع نے کہا کہ پچھلے 4ماہ میں جو کچھ ہوا وہ زیر بحث آنا چاہیے، اسمبلی میں پولیس آئی اور ارکان پر تشدد کیا گیا، رانا مشہود سپریم کورٹ جائیں وہاں تمام باتوں کا فیصلہ ہوجائیگا۔

اس موقع پر پی ٹی آئی کے رکن اسمبلی میاں محمود الرشید نے گفتگو کرتے ہوئے کہا کہ اپوزیشن کے اراکین پہلے اپنے گریبان میں جھانکیں۔

بعد ازاں پنجاب اسمبلی میں کورم پورا نہ ہونے پر ایوان میں 5منٹ کیلئے گھنٹیاں بجائی گئیں جس کے بعد اجلاس پندرہ منٹ کیلئے ملتوی کردیا گیا۔

Comments

- Advertisement -