پنجاب اسمبلی کے اجلاس کے دوران ہنگامہ آرائی ہوئی اور ارکان نے ایک دوسرے کو تھپڑ مار دیے۔
اے آر وائی نیوز کے مطابق حکومتی رکن احسان ریاض اور اپوزیشن رکن خالد زبیر نثار کے درمیان ہاتھا پائی ہوئی، اپوزیشن اور حکومتی ارکان نے ایک دوسرے کو تھپڑ مارے۔
احسان ریاض اور خالد زبیر نثار کے درمیان جھگڑے میں ذیشان رفیق بھی آئے اور صلح کروانے کی کوشش کی۔
قائمقام اسپیکر کے بار بار منع کیا لیکن ارکان ایک دوسرے کو تھپڑ مارتے رہے، ارکان نے ایک دوسرے پر جملے کسے جس کے بعد ہاتھا پائی ہوئی، دیگر ارکان نے بیچ بچاؤ کروایا۔
قائمقام اسپیکر نے جھگڑے کی وجہ سے اجلاس 5 منٹ کے لیے ملتوی کرنے کے بعد حکومتی اور اپوزیشن ارکان نے اپنے چیمبر میں بلایا۔
واضح رہے کہ اس سے قبل بھی پنجاب اسمبلی میں حکومتی اور اپوزیشن ارکان کی جانب سے جھگڑے کی اطلاعات سامنے آئی تھیں۔
الفت مغل اے آر وائی نیوز لاہور سے وابستہ رپورٹر ہیں