The news is by your side.

Advertisement

پنجاب اسمبلی کے باہر اساتذہ کا احتجاج تیسرے روز جاری

لاہور: پنجاب اسمبلی کے باہر اساتذہ کا سخت گرمی میں احتجاجی دھرنا تیسرے روز بھی جاری ہے،کسی حکومتی شخصیت نے مذاکرات کےلیے رابطہ نہیں کیا،اساتذہ کا کہنا ہے کہ وہ رمضان میں بھی احتجاج جاری رکھیں گے.

تفصیلات کے مطابق صوبے کے پانچ ہزار اسکولوں کو پنجاب ایجوکیشن فاؤنڈیشن کے حوالے کرنے اور اسکولوں کی نجکاری کےخلاف مختلف اضلاع سے تعلق رکھنے والے اساتذہ پنجاب اسمبلی کے سامنے تیسرے روز بھی سراپا احتجاج ہیں.

پنجاب اسمبلی کے سامنے بیٹھے اساتذہ کا کہنا ہے کہ جب تک ان کے مطالبات پورے نہیں کیے جاتے دھرنا جاری رہےگا.

اساتذہ کا کہنا ہے کہ اگر پنجاب حکومت کی ہٹ دھرمی اور آمرانہ رویہ تبدیل نہ ہوا تو رمضان المبارک میں دھرنا جاری رہے گا،اور عید کے بعد پنجاب بھر کے اساتذہ حکومت ہٹاؤ مہم کا آغاز کریں گے.

احتجاجی اساتذہ کا کہنا تھا کہ حکمرانوں کو ڈر ہے کہ قوم کے بچے پڑھ لکھ گئے اور انہیں شعور آ گیا تو وہ ایسے حکمرانوں کو کبھی ووٹ نہیں دیں گے.

Print Friendly, PDF & Email

Comments

comments

یہ بھی پڑھیں