پاک فوج پر تنقید : الطاف حسین ودیگر کیخلاف ایک اورمقدمہ درج -
The news is by your side.

Advertisement

پاک فوج پر تنقید : الطاف حسین ودیگر کیخلاف ایک اورمقدمہ درج

اٹک : افواج پاکستان کے خلاف شر انگیز تقاریر کرنے پر ایم کیو ایم کے قائد الطاف حسین سمیت پانچ افراد کے خلاف اٹک کے تھانہ صدرمیں مقدمہ درج کر لیا گیا۔

مقدمے میں رابطہ کمیٹی کے دیگر اراکین کو بھی نامز د کیا گیا ہے، پاکستان تحریک انصاف اٹک کے سابقہ ضلعی صدر احمد نواز ملک کی جانب سے روا ں سال بائیس اپریل کو تھانہ صدر میں الطاف حسین کے خلاف مقدمے کے اندراج کے لئے درخواست دائر کی گئی تھی۔

مقدمہ ضابطہ فوجداری کی دفعہ22-اے کے تحت مدعی احمد نواز کی درخواست پرپانچ ماہ بعد ایڈیشنل سیشن جج اٹک راجہ قمر زمان نے مقدمے کے اندراج کا حکم جاری کیا ۔

مقدمہ زیر دفعہ 153اے ت پ کے تحت درج کیا گیا ہے، رابطہ کمیٹی کے اراکین وسیم اختر، ڈاکٹر فاروق ستار ،حیدر عباس رضوی اور قمر منصور کو مقدمہ میں ٹیلی فون کی سہولت فراہم کرنے پر ملزم نامزد کیا گیاہے۔

Comments

comments

یہ بھی پڑھیں