لاہور: پنجاب اوقاف بورڈ کے اجلاس میں ملازمین کے لیے 20 فیصد الاؤنس اور کنٹریکٹ ملازمین کی مدت ملازمت میں توسیع کی بھی منظوری دے دی گئی۔
تفصیلات کے مطابق صوبائی وزیر چوہدری شافع حسین کی زیرصدارت پنجاب اوقاف بورڈ کا اجلاس منعقد ہوا، جس میں کئی اہم فیصلے کیے گئے۔
اجلاس میں ڈائریکٹر فنانس کی آسامی کی بحالی اور ڈائریکٹر ایگری کلچر لیز اینڈ ڈویلپمنٹ کی پوسٹ کی تخلیق اور اوقاف کے ایڈمنسٹریٹرز کی گریڈ 18 کی آسامیوں پر بھرتیوں کی منظوری دی گئی۔
اوقاف آرگنائزیشن کے ملازمین کے لیے 20 فیصد الاؤنس اور کنٹریکٹ ملازمین کی مدت ملازمت میں توسیع کی بھی منظوری دے دی گئی۔
جامعہ ہجویریہ کے طلبہ کو جدید علوم سے آراستہ کرنے کے لیے لمس، پنجاب یونیورسٹی اور یو ایم ٹی کے ساتھ معاہدے کی منظوری دی۔
