لاہور : پنجاب بھر میں یکم سے دس محرم الحرام تک دفعہ 144 نافذ کردی گئی، 7سے 10 محرم تک پنجاب میں ڈبل سواری پر پابندی ہوگی۔
تفصیلات کے مطابق پنجاب میں محرم الحرام کے دوران سیکیورٹی کے پیش نظر دفعہ 144 نافذ کردی گئی، جس کے تحت بغیر اجازت عوامی مقامات پر ہتھیار اور آتش گیر مواد کی نمائش پر پابندی ہوگی۔
اشتعال انگیز تقاریر،نعروں اور اشاروں سمیت جلوس کے راستوں پر مکانات وعمارتوں کی چھتوں پر مورچوں کی تعمیر پر بھی پابندی عائد کردی گئی ہے۔
جلوس کے راستوں میں چھتوں پر پتھر،اینٹیں،بوتلیں یاکچراجمع کرنے پر پابندی ہوگی جبکہ صوبے بھر میں 7سے10محرم تک پنجاب میں ڈبل سواری پرپابندی عائد کردی ہے تاہم بزرگ شہریوں،خواتین اور فورسزپرڈبل سواری کی پابندی کا اطلاق نہیں ہوگا۔
پنجاب بھر میں دفعہ 144کا نفاذ یکم سے 10محرم الحرام تک ہوگا۔
