پنجاب بجٹ سے قبل: حکومت اور اپوزیشن کا علیحدہ علیحدہ اجلاس Punjab Budget
The news is by your side.

Advertisement

پنجاب’ بجٹ سے قبل حکومت اور اپوزیشن کا علیحدہ علیحدہ اجلاس

لاہور: پنجاب اسمبلی میں بجٹ اجلاس میں شرکت کے لیے وزیراعلیٰ پنجاب شہباز شریف ایوان پہنچ گئے جبکہ اپوزیشن جماعتوں نے بجٹ کی حکمت عملی طے کرنے کے لیے اجلاس طلب کیا۔

تفصیلات کے مطابق پنجاب حکومت آج آئندہ مالی سال 18-2017 کا بجٹ پیش کرنے جارہی ہے، اجلاس سے قبل وزیر اعلیٰ پنجاب کی زیر صدارت کابینہ کا اجلاس جاری ہے جس میں بجٹ کی منظوری دی جائے گی۔

پڑھیں: آئندہ مالی سال کیلئے صوبے پنجاب کا بجٹ آج پیش کیا جائے گا

دوسری جانب اپوزیشن نے پنجاب اسمبلی میں بجٹ کے دوران احتجاج کا فیصلہ کیا ہے، میاں محمودالرشید کی زیر صدارت اپوزیشن جماعتوں کے اجلاس میں اتفاق کیا گیا کہ بجٹ اجلاس میں اراکین بازوؤں پر گو نواز گو کی پٹیاں باندھ کر اجلاس میں شرکت کریں گے اور بجٹ اجلاس کے دوران شدید احتجاج کریں گے۔

یاد رہے آج پنجاب حکومت کی جانب سے آئندہ مالی سال کا بجٹ پیش کیا جارہا ہے، بجٹ کا حجم 19 کھرب متوقع ہے، آئندہ مالی سال کے لیے صوبے میں ترقیاتی کاموں کے لیے 635 ارب، تعلیم کے لیے 52 ارب، صحت کے لیے 30 ارب رکھے جانے کا امکان ہے۔

Comments

comments

یہ بھی پڑھیں