The news is by your side.

Advertisement

بیورو کریسی میں تبدیلیاں میرٹ پر کی ہیں، کرپشن کی کہانیاں کھلنے والی ہیں، اسلم اقبال

لاہور : صوبائی وزیر اطلاعات میاں اسلم اقبال نے کہا ہے کہ پنجاب حکومت نے بیورو کریسی میں تبدیلیاں میرٹ پر کی ہیں، آئندہ چند دنوں میں کرپشن کی بڑی کہانیاں کھلیں گی۔

یہ بات انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا۔

میاں اسلم اقبال نے کہا کہ ہم نے پنجاب میں جو پروجیکٹ کیے اس کی آگاہی درست طور پر نہ دے سکے، صوبہ جس صورتحال میں ہمیں ملا تھا وہ سب کے سامنے ہے، پنجاب100ارب روپے کا مقروض تھا۔

صوبائی وزیر اطلاعات کا کہنا تھا کہ بیورو کریسی کو شہباز شریف دور میں بری عادتیں لگائی گئیں، بیورو کریسی میں17گریڈ کا افسر20گریڈ میں کام کررہا ہوتا تھا، ہم نے اپنی کوتاہیوں کو نہیں چھپایا اب صورتحال بہتر کررہے ہیں۔

ایک سوال کے جواب میں میاں اسلم اقبال نے کہا کہ وزیراعلیٰ عثمان بزدار نے ٹیم کو جو اختیارات دیئے ہیں وہ ماضی میں کبھی نہیں ملے تھے، حکمران بیورو کریسی کو ساتھ ملا کر کرپشن نہیں کرسکتے۔

انہوں نے کہا کہ آئندہ چند دنوں میں کرپشن کی بڑی کہانیاں کھلیں گی، ہم نے بیورو کریسی میں تبدیلیاں میرٹ پرکی ہیں، بیورو کریسی میں ذاتی طور پر کوئی تعیناتی نہیں کی۔

fb-share-icon0
Tweet 20

Comments

comments

یہ بھی پڑھیں