وزیر اعظم کے احکامات نظر انداز: پنجاب کے بیوروکریٹ نے8قیمتی گاڑیاں خرید لیں -
The news is by your side.

Advertisement

وزیر اعظم کے احکامات نظر انداز: پنجاب کے بیوروکریٹ نے8قیمتی گاڑیاں خرید لیں

لاہور : پنجاب کے بیورو کریٹ نے نئے ماڈل کی8قیمتی گاڑیاں خرید کر وزیر اعظم کی سادگی اختیار کرنے اور کفایت شعاری کی پالیسی کو نظر انداز کردیا۔

تفصیلات کے مطابق وزیر اعظم عمران خان کی جانب سے سادگی اور کفایت شعاری اپنانے کی پالیسی کو پنجاب کے اعلیٰ افسران نے ہوا میں اڑا دیا۔

ایک طرف تو وزیر اعظم ہاؤس کی قیمتی گاڑیوں کو نیلام کیا جارہا ہے تو دوسری جانب اس کے برعکس بیوروکریٹ قیمتی گاڑیاں خرید رہے ہیں۔

اس حوالے سے ذرائع کا کہنا ہے کہ پنجاب کے ایک بیورو کریٹ نے نئےماڈل کی8قیمتی گاڑیاں خرید لیں، نئے ماڈل کی یہ گاڑیاں صوبائی محتسب اعلیٰ نجم سعید کے حکم پر خریدی گئیں ہیں۔

مزید پڑھیں: وزیراعظم ہاؤس کی قیمتی گاڑیاں17ستمبر کو نیلام کی جائیں گی، اشتہار جاری

بیش قیمت پر خریدی گئیں8نئے ماڈل کی گاڑیاں مذکورہ بیوروکریٹ کے گھر پر  ہی کھڑی ہیں، ذرائع کے مطابق نئی گاڑیوں پر سرکاری نمبر پلیٹس بھی لگادی گئیں ہیں،8میں سے ایک گاڑی صوبائی محتسب کے ایڈوائزر چوہدری الیاس کے سپرد کی گئی ہے۔

اے آر وائی نیوز کے نمائندے خواجہ نصیر کے مطابق ان کے گھر میں سات قیمتی گاڑیوں کا کیا مصرف ہے اور ان کروڑوں مالیت کی گاڑیاں کس مقصد اور کس کے لیے خریدی گئیں ہیں ؟ صوبائی محتسب اعلیٰ سے متعدد بار رابطے کیا گیا لیکن اب تک ان کا کوئی جواب سامنے نہیں آیا۔

Comments

comments

یہ بھی پڑھیں