لاہور کے حلقے پی پی 168 میں ووٹنگ کے دوران سنگین بد نظمی کے باعث صورتحال کشیدہ ہوگئی، دو جماعتوں کے کارکنان ایک دوسرے سے لڑ پڑے۔
جھگڑے کے بعد پی پی 168کے پولنگ اسٹیشن نمبر 50اور51میں پولنگ روک دی گئی پولنگ اسٹیشن50میں ن لیگ اور ٹی ایل پی کارکنوں کے جھگڑے کے باعث پولنگ روک دی گئی۔
ذرائع کے مطابق کارکنوں کی طرف سے ایک دوسرے پر لاتوں اور گھونسوں کا آزادانہ استعمال کیا گیا، دوسری جانب پولنگ اسٹیشن51میں ن لیگ اور پی ٹی آئی کارکنوں کے جھگڑے کے باعث پولنگ روکی گئی۔
اطلاع ملتے ہیں پولیس کی ڈنڈا بردار فورس پولنگ اسٹیشن نمبر51،50میں پولنگ بحال کرانے پہنچ گئی، اور کارکنان کو منتشر کرتے ہوئے حالات پر قابو پانے کی کوشش کی جارہی ہے۔
پنجاب ضمنی انتخابات: پولنگ شروع
تازہ ترین اطلاعات کے مطابق صورتحال کی سنگینی کے پیش نظر رینجر اہلکاروں نے پوزیشن سنبھال لی، بعد ازاں پولنگ کا عمل دوبارہ شروع کردیا گیا ہے۔
پنجاب ضمنی انتخابات: حلقے اور امیدوار
واضح رہے کہ لاہور پی پی168 میں ملک نواز اعوان (تحریک انصاف) اور ملک اسد کھوکھر (مسلم لیگ ن) کے مقابلہ ہے۔
