The news is by your side.

Advertisement

پنجاب ضمنی انتخابات : 15پی ٹی آئی کارکنان گرفتار، ایک ووٹ پر سموسہ مفت

لاہور/ دنیا پور/ کہوٹہ : حلقہ پی پی 167 میں وفاقی کالونی کے پولنگ اسٹیشن سے پی ٹی آئی کے15کارکنان کو پولیس نے گرفتار کرلیا۔

لاہور : اس حوالے سے پی ٹی آئی کے امیدوار شبیر گجر نے میڈیا کو بتایا کہ جوہرٹاؤن پولیس نے کارکنوں کو پی ٹی آئی کیمپ سے حراست میں لیا ہے۔

شبیر گجر نے پولیس اہلکاروں پر الزام عائد کرتے ہوئے کہا کہ کارکن پر کیمپ میں امن طور پر موجود تھے کہ پولیس انہیں بغیر کسی وجہ کے گرفتار کرکے لے گئی۔

غریب سموسہ فروش کا اعلان

پنجاب میں صوبائی کی اسمبلی کی 20 نشستوں پر ہونے والے ضمنی انتخابات میں عوام خصوصاً پی ٹی آئی کے سپورٹرز کا جوش وخروش قابل دید ہے

پی ٹی آئی کی محبت میں دنیاپور کے ایک غریب سموسہ فروش ارسلان نے انوکھا اعلان کیا ہے اس کا کہنا ہے کہ جو بھی پی ٹی آئی کو ووٹ دے گا سموسے مفت میں کھلاؤں گا۔

محنت کش ارسلان کا کہنا ہے کہ میں غریب آدمی ضرور ہوں لیکن ضمیر فروش نہیں ہوں، عمران خان کی محبت میں میری جان بھی حاضر ہے۔

سموسہ فروش ارسلان نے کہا کہ صرف خان صاحب کی محبت میں سموسے، پکوڑے اور چکن رول فری کھلا رہاہوں۔

حکومت کی جانب سے ووٹرز کو آٹے کی فراہمی

دوسری جانب ذرائع کا کہنا ہے کہ کہوٹہ پی پی 7 میں پنجاب حکومت پولنگ والے دن مبطینہ طور پر دھاندلی پر اتر آئی، یہاں الیکشن والے دن حکومت کی جانب سے ووٹرز کو آٹا فراہم کیا جانے لگا۔

اسلام آباد:کہوٹہ بیور چوک پر ٹرک میں کھلے عام مفت آٹا تقسیم کیا جا رہا ہے، مقامی انتظامیہ بے اس سنگین ضابطگی پر خاموش تماشائی بنی ہوئی ہے۔

Comments

یہ بھی پڑھیں