The news is by your side.

Advertisement

وزیراعلیٰ پنجاب کا ہوائی فائرنگ کرنے والوں کے خلاف بلا تفریق کارروائی کا حکم

لاہور : وزیر اعلیٰ پنجاب نے سال نو پر ہوائی فائرنگ کرنے والوں کے خلاف بلا تفریق کارروائی کا حکم دے دیا۔

تفصیلات کے مطابق وزیر اعلیٰ پنجاب سردار عثمان بزدار نے سال نو کی آمد کے پیش نظر سیکیورٹی کے بہترین انتظامات کرنے کا حکم دیتے ہوئے کہا کہ عوام کے تحفظ کےلیے فول پروف سیکیورٹی اقدامات ہونے چاہییں۔

عثمان بزدار کا کہنا تھا کہ پولیس امن عامہ کی فضا برقرار رکھنے کےلیے ہرممکن اقدام کرے، صوبے میں قانون کی عملداری کو ہر قیمت پر یقینی بنایا جائے۔

وزیر اعلیٰ پنجاب کے مطابق ون ویلنگ کی روک تھام کے موثر اقدامات کیے جائیں گے، قانون ہاتھ میں لینے والوں کے خلاف بلا امتیاز کارروائی کی جائے گی۔

وزیراعلیٰ پنجاب عثمان بزدار کی کابینہ کمیٹی برائے امن و امان کو ہدایات دیتے ہوئے کہا کہ امن برقرار رکھنے کےلیے پولیس تندہی سے فرائض سرانجام دے۔

Comments

یہ بھی پڑھیں