لاہور: آسان ترین اقساط پر اپنا گھر بنانے کے خواہشمندوں کے لیے بڑی خبر آگئی ، اب قرض حاصل کرنے والوں سے سروس چارجز نہیں لئیے جائیں گے۔
تفصیلات کے مطابق وزیراعلیٰ پنجاب مریم نوازکی زیر صدارت اجلاس ہوا، جس میں اپنی چھت اپنا پروگرام کے 3 ماڈل کی منظوری دے دی۔
مریم نواز میں پلاٹ پر قرض حاصل کرنے والوں سے سروس چارجز لینے سے روکتے ہوئے ماڈل گھروں کےنقشےمیں لیونگ روم بھی شامل کرنے کی ہدایت کردی۔
وزیراعلیٰ پنجاب نے عوام کی سہولت کےلئےٹال فری نمبرمتعارف کرانے کی بھی ہدایت کی۔
اجلاس میں بریفنگ دیتے ہوئے کہا گیا کہ پی آئی ٹی بی خصوصی پورٹل تیارکرے گا،آن لائن درخواستیں جمع ہوسکیں گی، 5مرلہ تک پلاٹ کامالک گھربنانے کیلئے بلاسود قرضہ حاصل کر سکے گا۔
وزیراعلیٰ پنجاب اپنی چھت اپنا گھر پروگرام کی لانچنگ14 اگست کو کریں گی۔
یاد رہے صوبائی حکومت کی جانب سے عوام کے لیے پروگرام کیلئے 9 ارب 88 کروڑ 96 لاکھ روپے کی منظوری دیدی گئی تھی۔
