The news is by your side.

پنجاب کریکولم ٹیکسٹ بک بورڈ کا نجی پبلشرز کی 100 کتابوں پر پابندی کا اعلان

لاہور: پنجاب کریکولم اینڈ ٹیکسٹ بک بورڈ نے نجی پبلشرز کی100 کتابوں پر پابندی کا اعلان کیا ہے۔

تفصیلات کے مطابق ایم ڈی پنجاب کریکولم اینڈ ٹیکسٹ بک بورڈ منظور ناصر نے کہا ہے کہ نجی اسکولوں میں پڑھائی جانے والے 31 پبلشرز کی کتابوں پر پابندی عائد کر دی ہے۔

منظور ناصر کا کہنا تھا کہ نجی اسکولوں میں ملک ومذہب کے خلاف پڑھایا جا رہا ہے،نجی اداروں میں پڑھائی جانے والی 10 ہزار کتابوں کی جانچ کر رہے ہیں۔انہوں نے کہا کہ اسلام، قومی سلامتی، امن کے خلاف مواد پر مبنی کتاب پر پابندی ہوگی۔

ایم ڈی پنجاب کریکولم اینڈ ٹیکسٹ بک بورڈ کے مطابق پاکستان کے غلط نقشے کتابوں میں شامل کیے گئے ہیں۔

منظور ناصر کا کہنا تھا کہ ڈاکو بنانے کی نظمیں نجی اسکولوں کے نصاب میں پڑھائی جا رہی ہیں،:اقوال زریں میں گاندھی کے اقوال پڑھائے جا رہے ہیں۔

Comments

یہ بھی پڑھیں