The news is by your side.

Advertisement

کورونا ویکسین کی قلت ، پنجاب میں 2 دن کیلیے ویکسینیشن روکنے کا فیصلہ

لاہور : محکمہ صحت نے کورونا ویکسین کی قلت کے باعث دو روز کیلئے ویکسین کے عمل روکنے کا فیصلہ کرلیا ، ویکیسن کی دو لاکھ ڈوزز اتوار کی شام تک پہنچ جائیں گی۔

تفصیلات کے مطابق پنجاب میں کورونا ویکسین کی قلت پیدا ہوگئی، جس کے بعد محکمہ صحت نے 2 دن کیلئے ویکسی نیشن روکنے کا فیصلہ کرلیا،ذرائع محکمہ صحت کا کہنا ہے کہ پنجاب میں ایک دن سٹاک موجود ہے ، ویکیسن کی دو لاکھ ڈوزز اتوار کی شام تک پہنچ جائیں گی۔

خیال رہے دو ماہ گزر گئے پنجاب حکومت کرونا ویکسین نہ خرید سکی، ویکسین کی دس لاکھ ڈوز خریدنے کا عمل سیکرٹری ہیلتھ کی غفلت سے سست روی کا شکار ہے۔

کرونا ویکسین کی 10 لاکھ ڈوز خریدنے کے لیے ڈیڑھ ارب روپے کے فنڈ بھی منظور کیے گئے لیکن محکمہ پرائمری اینڈ سیکنڈری ہیلتھ ویکسین کی خریداری پر کوئی پیش رفت نہ کرسکا جبکہ سیکرٹری پرائمری اینڈ سیکنڈری ہیلتھ سارا اسلم ویکسین کی خریداری پر موقف دینے سے گریزاں ہیں۔

یاد رہے دو روز قبل بھی پنجاب کے دارلحکومت لاہور کے ویکسین سینٹرز میں ایک بار پھر ویکسین کا اسٹاک ختم ہوگیا تھا ، جس پر لوگوں نے احتجاج کرتے ہوئے کہا تھا کہ ایک طرف حکومت ویکسین لگانے کی مہم چلا رہی ہے دوسری طرف ویکسین ہی نہیں ہیں۔

Comments

یہ بھی پڑھیں