لاہور : پنجاب کے دارلحکومت لاہور سمیت دیگر شہروں میں سیوریج واٹر کے نمونے پولیو فری نکلے، وزیراعلیٰ پنجاب نے کہا کہ پولیو فری ہونا حکومت پنجاب کی بڑی کامیابی ہے۔
تفصیلات کے مطابق وزیراعلیٰ پنجاب عثمان بزدار کی قیادت میں اہم کامیابی حاصل کرلی گئی ، پنجاب پولیو فری ہوگیا ، لاہورسمیت دیگر شہروں میں سیوریج واٹر کے نمونے پولیو فری نکلے۔
عثمان بزدار نے کہا کہ صوبے کا پولیو فری ہونا حکومت پنجاب کی بڑی کامیابی ہے ،اللہ تعالیٰ کے فضل و کرم ،ٹیم ورک کےمثبت نتائج سامنے آئے۔
وزیراعلیٰ پنجاب کا کہنا تھا کہ پنجاب کےپولیوفری ہونےپراللہ تعالیٰ کاشکربجالاتےہیں ، محکمہ صحت اورانسدادپولیوٹیمیں تحسین کی مستحق ہیں۔
انھوں نے کہا کہ پولیوویکسی نیشن مہم تسلسل کےساتھ جاری رکھی جائےگی، بچوں کوشیڈول کےمطابق اینٹی پولیوویکسین پلائی جائےگی، ہم نےاپنی نئی نسل کواس موذی مرض سے بچانا ہے۔
عثمان بزدار کا کہنا تھا کہ بچوں کومعذوری سےبچانےکےلئےویکسی نیشن ضروری ہے، خسرہ اورروبیلاکےساتھ بچوں کوانسدادپولیوکےقطرے پلائے جارہے ہیں۔
