The news is by your side.

Advertisement

پنجاب: کرونا کیسز میں کمی، آج 218 مریض رپورٹ ہوئے

لاہور: ترجمان پرائمری اینڈ سیکنڈری ہیلتھ کیئر نے کہا ہے کہ گزشتہ 24 گھنٹوں کے دوران پنجاب میں کرونا کے 218نئے کیسز رپورٹ ہوئے جس کے بعد مریضوں کی مجموعی تعداد 92873 ہوگئی۔

تفصیلات کے مطابق پرائمری اینڈ سیکنڈری ہیلتھ کیئر کے ترجمان نے بتایا کہ نئے کیسز سامنے آنے کے بعد پنجاب بھر میں کرونا کے کیسز کی مجموعی تعداد92873 ہوگئی، صوبے میں کرونا سے آج 2مزید اموات ہوئیں۔

پنجاب میں کرونا سے انتقال کر جانے والے مریضوں کی مجموعی تعداد2140 ہوگئی ہے۔

ترجمان کے مطابق صوبے میں اب تک726089ٹیسٹ کیے جا چکے ہیں جبکہ کرونا کو شکست دینے والوں کی تعداد82526 ہوگئی۔ خیال رہے کہ مذکورہ اعداد وشمار نئی رپورٹ سے حاصل کی گئی ہے۔

پاکستان میں کورونا کیسز اوراموات میں بتدریج کمی، 903 نئے کیسز رپورٹ،27 افراد جاں بحق

واضح رہے کہ پاکستان میں یومیہ رپورٹ ہونے والے کیسز اور اموات میں بتدریج کمی ہورہی ہے، 24 گھنٹوں میں 903 نئے کرونا کیسز سامنے آئے جبکہ 27 افراد جان سے گئے۔ ملک میں کورونا کیسز اور اموات میں کمی کا سلسلہ برقرار ہے۔

Comments

یہ بھی پڑھیں