site
stats
پنجاب

لاہور:اساتذہ اورایجوکیشن ڈیپارٹمنٹ کے مذاکرات کامیاب

لاہور: پنجاب اسمبلی کے سامنے اساتذہ اور ایجوکیشن ڈیپارٹمنٹ کے مذاکرات کامیاب ہوگئے،اساتذہ نے دھرنا ختم کرنے کا اعلان کردیا،محکمہ تعلیم نے اسکولوں کی نجکاری وقتی طور پر روک دی.

تفصیلات کے مطابق پنجاب اسبلی کے باہر چار روز سے جاری اساتذہ کا دھرنا کامیاب مذاکرات کے باعث ختم کردیاگیا،محکمہ تعلیم نےچار رکنی کمیٹی تشکیل دے دی جس میں دو نمائندے اساتذہ کے ہوں گے۔

اساتذہ کے ساتھ ہونے والے مذاکرات میں ایڈیشنل سیکرٹری اسکولز رانا اختر نے شرکاء کو مطالبات کے حل کی یقین دہانی کرائی،اساتذہ کے ساتھ مذاکرات میں ایڈیشنل سیکرٹری جنرل رانا حسن اختر اور دیگر افسران نے شامل تھے.

یاد رہے کہ گذشتہ چار روز سے صوبے کے پانچ ہزار اسکولوں کو پنجاب ایجوکیشن فاؤنڈیشن کے حوالے کرنےاوراسکولوں کی نجکاری کےخلاف مختلف اضلاع سے تعلق رکھنے والے اساتذہ پنجاب اسمبلی کے سامنے سراپا احتجاج تھے.

احتجاج کرنے والےاساتذہ کا کہنا تھا کہ اسکول این جی اوز کے حوالے نہ کیے جائیں ورنہ بچوں کا مستقبل اور ان کی ملازمتیں خطرے میں پڑ جائیں گی.

اساتذہ کا کہنا تھا کہ اگر پنجاب حکومت کی ہٹ دھرمی اور آمرانہ رویہ تبدیل نہ ہوا تو رمضان المبارک میں دھرنا جاری رہےگا،اور عید کے بعد پنجاب بھر کے اساتذہ حکومت ہٹاؤ مہم کا آغاز کریں گے.

واضح رہے کہ گذشتہ روز ڈپٹی سیکرٹری اسکول ایجوکیشن آصف مجید کا کہنا تھا کہ کچھ غلط فہمیاں ہیں اسکولوں کی نجکاری نہیں کی جارہی ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top