The news is by your side.

Advertisement

پنجاب : میٹرک اور انٹرمیڈیٹ امتحانات کا شیڈول جاری کردیا گیا

لاہور : پنجاب بورڈ کمیٹی آف چیرمینز نے تمام مشاورت کے بعد میٹرک اور انٹرمیڈیٹ کے امتحانات کے ترمیم شدہ نئے شیڈول کا اعلان کردیا۔

تفصیلات کے مطابق پنجاب بورڈ کمیٹی آف چیرمینز کا اجلاس 9 اپریل کو منعقد ہوا۔ اجلاس میں صوبہ بھر کے تعلیمی بورڈز سے مشاورت کے بعد فیصلہ کے بعد میٹرک اور انٹر امتحانات کا نیا شیڈول جاری کردیا۔

تفصیلات کے مطابق میٹرک کے امتحانات 25 مئی سے لیے جائیں گے جبکہ انٹرمیڈیٹ کے امتحانات 3 جولائی سے شروع ہوں گے۔

ذرائع کے مطابق میٹرک امتحانات کے نتائج 21 ستمبر اور انٹرمیڈیٹ کا نتیجہ 20 اکتوبر کو جاری ہوگا۔ دونوں جماعتوں کے امتحانات اٹھائیس ،اٹھائیس روز میں مکمل کیے جائیں گے۔

دوسری جانب کورونا کے بڑھتے ہوئے پھیلاؤ کے باعث پنجاب کے سرکاری اسکولوں کے امتحانات ملتوی کردیئے گئے ہیں، پہلی سے آٹھویں جماعت کے سالانہ امتحانات کو ملتوی کردیا گیا ہے۔

پہلی سے آٹھویں جماعت کے امتحانات 18 مئی سے شروع ہونا تھے۔ اضلاع کی کارکردگی جانچے کے لئے تین مئی سے شیڈول کیے گئے امتحانات کو بھی ملتوی کردیا گیا ہے۔

لارج اسکیل اسسمنٹ میں صوبے کے پانچ ہزار اسکولوں کے بچوں کو ٹیسٹ کیا جانا تھا۔ ذرائع کے مطابق امتحانات جون میں منعقد ہونے کا امکان ہے۔

Comments

یہ بھی پڑھیں