site
stats
پاکستان

پنجاب میں دھند کے باعث ٹریفک حادثات، 1 شخص جاں بحق

لاہور: خانپور میں شدید دھند کے باعث ہونے والے ٹریفک حادثے میں 1 شخص جاں بحق جبکہ 6 زخمی ہوگئے جبکہ ملتان میں دھند کے باعث مختلف ٹریفک حادثات میں 5 افراد زخمی ہوگئے۔

تفصیلات کے مطابق ریسکیو ذرائع کے مطابق خانپور میں دھند کے باعث قومی شاہراہ پر ٹرالر اور وین میں ٹکر سے ایک شخص جاں بحق اور 6 افراد زخمی ہوگئے جنہیں اسپتال منتقل کر دیا گیا۔

دوسری جانب ملتان کے علاقہ لاڑ کے قریب ٹرک اور ٹرالی میں ٹکر سے 2 افراد زخمی ہوگئے۔ ریسکیو ذرائع کے مطابق شاہ رکن عالم انٹر چینج کے قریب 6 گاڑیاں آپس میں ٹکرا گئیں۔ حادثے میں 3 افراد زخمی ہوگئے۔ زخمیوں کو اسپتال منتقل کردیا گیا ہے۔

مزید پڑھیں: دھند کے موسم میں احتیاطی تدابیر اختیار کریں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top