site
stats
پاکستان

دھند میں کمی کے بعد لاہور موٹر وے کھول دیا گیا

لاہور: دھند میں کمی کے باعث لاہور موٹر وے کو ٹریفک کے لیے کھول دیا گیا۔ ترجمان موٹر وے کا کہنا ہے کہ موٹر وے پر حد نگاہ 40 سے 50 میٹر ہے۔ موٹر وے پولیس ٹریفک کو قافلے کی صورت میں چلا رہی ہے۔

تفصیلات کے مطابق گزشتہ کئی روز سے لاہور سمیت پنجاب کے مختلف علاقوں میں شدید دھند رہی جس کے باعث ٹریفک کی روانی میں مشکلات کا سامنا کرنا پڑا۔

بورے والا میں دھند کے باعث بس درخت سے ٹکرا گئی جس کے باعث 2 افراد زخمی ہوگئے۔

دھند میں کمی کے بعد لاہور موٹر وے کو ٹریفک کے لیے کھول دیا گیا۔ ترجمان موٹر وے کے مطابق موٹر وے پر حد نگاہ 40 سے 50 میٹر ہے۔ ٹریفک کو قافلوں کی صورت میں چلایا جا رہا ہے۔

مزید پڑھیں: دھند کے موسم میں احتیاطی تدابیر اختیار کریں

حد نگاہ بہتر ہوتے ہی پنڈی بھٹیاں سے ایم ٹو اور ایم تھری، پنڈی بھٹیاں سے فیصل آباد پر بھی ٹریفک کی روانی بحال کردی گئی۔

دوسری جانب خیبر پختونخوا میں بھی دھند کا راج رہا۔ پشاور میں دھند کے باعث باچا خان ایئرپورٹ پر پروازوں کا شیڈول دوسرے روز بھی متاثر رہا۔ نجی ایئر لائن کی ابو ظہبی اور دبئی سے آنے والی 2 پروازیں 5 گھنٹے تاخیر کا شکار رہی۔

ترجمان موٹر وے پولیس کا کہنا ہے کہ شہری دھند کے دوران غیر ضروری سفر سے گریز کریں۔ گاڑیوں پر فوگ لائٹس کا استعمال کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top