The news is by your side.

Advertisement

پنجاب فوڈ اتھارٹی کاایکشن، کیمیکل ملا غیر معیاری دودھ نہروں میں بہا دیا

ملتان : محکمہ فوڈ اتھارٹی نے سینکڑوں لیٹر غیرمعیاری دودھ کو نہروں میں بہا کرتلف کردیا۔

تفصیلات کے مطابق ملتان میں الصبح ڈی جی فوڈ اتھارٹی پنجاب بور الامین مینگل نے موبائل لیبارٹری اور فوڈ انسپکٹرز کے ہمراہ اچانک مختلف علاقوں کا دورہ کیا۔

دورہ کے دوران مختلف علاقوں میں ناقص اور کیمیل ملے غیر معیاری دودھ بیچنے والوں کیخلاف کارروائی کرتے ہوئے دودھ فروشوں کو پکڑا اور موقع پر ہی دودھ کو ٹیسٹ کیا اور معیار پر پورا نہ اترنے پر کیمیکل ملا دودھ نہر میں بہا دیا گیا۔

ڈی جی فوڈ اتھارٹی کا کہنا ہے کہ مضر صحت اشیا فروخت کرنے والوں کے خلاف سخت کارروائی جاری رہے گی۔

دوسری جانب ملتان کے علاقہ علی والا میں بھی کارروائی کرتے ہوئے اچار کی دو بڑی فیکٹریاں سیل کر دیں اچار میں کیڑے مکوڑے اور دیگر مضر صحت اشیا پائی گئیں جس پر ڈی جی فوڈ اتھارٹی پنجاب نے فیکٹری مالکان کے خلاف ایف آئی آر درج کرنے کا حکم دیا اور سالڈ ویسٹ مینجمنٹ کے عملے کی مدد سے مضر صحت اچار کو بھی تلف کر دیا۔

ڈی جی فوڈ پنجاب کا کہنا تھا کہ مضر صحت خواراک تیار کرنے والوں کے خلاف سخت کارروائی کا سلسلہ جاری رہے گا اور ایسے لوگوں کو کسی صورت انسانی زندگیوں کے ساتھ کھیلنے نہےں دیں گے جبکہ علاقہ مکینوں نے بھی فیکٹریوں کے خلاف احتجاج کیا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email

Comments

comments

یہ بھی پڑھیں