شیخوپورہ: ناقص اجزا کا استعمال، کولڈ ڈرنک فیکٹری سیل cold drink factory
The news is by your side.

Advertisement

شیخوپورہ: ناقص اجزا کا استعمال، کولڈ ڈرنک فیکٹری سیل

لاہور: پنجاب فوڈ اتھارٹی نے شیخوپورہ روڈ لاہور پر واقع معروف کولڈ ڈرنکس فیکٹری پر چھاپہ مار کر پروڈکشن یونٹ سیل کردیا۔

تفصیلات کے مطابق پنجاب فوڈ اتھارٹی کی جانب سے پنجاب بھر بالخصوص لاہور میں چھاپہ مار کارروائیاں کی جارہی ہیں،ناقص غذائی اشیا بنانے پر آئے دن فیکٹریاں اور کارخانے سیل کیے جارہے ہیں۔


یہ پڑھیں: لاہور میں بسکٹ پاؤڈر کی فیکٹری پر چھاپہ، 11 لاکھ گندے انڈے برآمد


اس بار پنجاب فوڈ اتھارٹی حکام نے شیخو پورہ روڈ لاہور پر واقع ایک معروف کولڈ ڈرنک کمپنی پر چھاپہ مارا اور ناقص اجزا کے استعمال پرکمپنی کا پروڈکشن یونٹ سیل کردیا۔

ڈائریکٹر آپریشنز فوڈ اتھارٹی نے بتایا کہ کمپنی سے 3 لاکھ بھری ہوئی بوتلیں اور ساڑھے 4لاکھ بوتلوں کاخام مال برآمد ہوا ہے، گرفت سے بچنے کے لیے بوتلوں پر فیکٹری کا غلط پتا درج کیا جا رہا تھا۔

ڈائریکٹر آپریشنز فوڈ اتھارٹی نے مزید آگاہ کیا کہ ناقص مواد کے علاوہ کولڈ ڈرنک میں مٹھاس کے لیے کیمیکل بھی شامل کیا جا رہا تھا۔

Comments

comments

یہ بھی پڑھیں