site
stats
پاکستان

پنجاب : گڈ گورننس کے نام پر بنائی جانے والی 10کمپنیاں بند

punjab

لاہور : پنجاب حکومت نے گڈ گورننس کے نام پر بنائی جانے والی دس کمپنیوں کو بند کردیا، بند کی جانے والی کمپنیوں کی فہرست جاری کردی گئی۔

تفصیلات کے مطابق پنجاب کمپنیز اسکینڈل صوبہ کی گڈ گورننس پرسوالیہ نشان بن گیا، محکمہ خزانہ حکومت پنجاب نے کہا ہے کہ گڈ گورننس کے نام پر بنائی جانے والی دس کمپنیوں کو فوری طور پر ڈی ایکٹیویٹ کر دیا گیا ہے۔

اس کے علاوہ توانائی کی تین اور ماحولیات کی بہتری کے لئے بنائی جانیوالی دو کمپنیوں کو بھی بند کیا جائیگا۔

محکمہ خزانہ کی جانب سے جاری فہرست میں بند کی جانے والی کمپنیوں میں پنجاب روڈ انفراسٹرکچر کمپنی، انوائرمنٹ مینجمنٹ کمپنی فیصل آباد، پنجاب کول پاور کمپنی لمیٹڈ، ٹیکنیکل اینڈ ووکیشنل ایجوکیشن اینڈ ٹریننگ ڈیویلپمنٹ اینڈ مینجمنٹ کمپنی شامل ہیں۔

سرکاری دستاویز کے مطابق پنجاب رینیوایبل انرجی کمپنی لمیٹڈ ، قائداعظم ونڈ پاورکمپنی، پنجاب ورکنگ انڈوومنٹ فنڈ، قائداعظم ہائیڈل پاور کمپنی، پنجاب کلچر اینڈ آؤٹ ریچ کمپنی اور پنجاب انوائرمنٹ اینڈایفلیونٹ ٹریٹمنٹ کمپنی کو بھی بند کیا جائیگا۔


مزید پڑھیں: حکومتی کمپنیوں‌ میں‌ 80 ارب کی کرپشن، عدالت کا پنجاب حکومت کو نوٹس


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top