The news is by your side.

Advertisement

احسن اقبال پر حملہ ملک کی سلامتی پر حملہ ہے، تمام انکوائری کی جائے گی، ترجمان پنجاب حکومت

لاہور : پنجاب حکومت کے ترجمان ملک احمد خان نے کہا ہے کہ احسن اقبال پر حملہ ملک کی سلامتی پر حملہ ہے، حملے کی تمام پہلوؤں سے تحقیقات کی جا رہی ہے، ابتدائی بیان مذہبی نوعیت پر ہے مگر مکمل رپورٹس کا انتظار کیا جانا چاہیئے۔

تفصیلات کے مطابق لاہور میں میڈیا سے گفتگو کرتے ہوئے ترجمان پنجاب حکومت ملک احمد خان کا کہنا تھا کہ کہ احسن اقبال پر حملے کی تمام پہلوؤں سے تحقیقات کی جا رہی ہے، وہ انتہائی نگہداشت کی وارڈ میں ہیں، حملہ تشویش کا باعث ہے۔

ملک احمد خان نے کہا کہ احسن اقبال پر حملہ ملک کی سلامتی پر حملہ ہے، تمام انکوائری کی جائے گی پولیس کی جانب سے غفلت ہوئی یا کسی اور سے، کسی صورت بھی سیکورٹی غفلت کو برداشت نہیں کیا جا سکتا۔

ترجمان حکومتِ پنجاب کا حملہ آور کے حوالے سے کہنا تھا کہ ابتدائی بیان مذہبی نوعیت پر ہے مگر مکمل رپورٹس کا انتظار کیا جانا چاہیئے، ابھی تک ملزم عابد کا حتمی بیان نہیں آیا۔

ملک احمد خان نے کہا کہ احسن اقبال اور ان کے گھرانے کی ختم نبوت کے حوالے سے عقیدت کو سب جانتے ہیں، موجودہ سیکورٹی صورتحال پر ایپکس کمیٹی کا اجلاس، پارلیمنٹ کا مشترکہ اجلاس اور آل پارٹیز کانفرنس ہونی چاہئے۔


مزید پڑھیں : وزیر داخلہ احسن اقبال قاتلانہ حملے میں زخمی


عدالت کی جانب سے سیکیورٹی واپس لینے سے متعلق ان کا کہنا تھا کہ کورٹ نے سکیورٹی واپس لی ہے، اس کا احترام کرتے ہیں، حکومت کی پالیسی بیان کرنے والوں سمیت اہم شخصیات کی سیکیورٹی پر وزیر اعلی سے بات کریں گے، اہم شخصیات کی سیکورٹی کی ذمہ داری حکومت کی ہے، حکومت کو اس پر خود فیصلہ لینا ہوگا۔

یاد رہے گذشتہ روز وفاقی وزیر داخلہ احسن اقبال پر ان ہی کے حلقے نارووال میں قاتلانہ حملہ کیا گیا، کنجروڑ میں کارنر میٹنگ میں خطاب کے بعد احسن اقبال کو مسلٖح شخص نے گولی ماری، گولی ان کے دائیں بازو پرلگ کر پیٹ میں لگی جبکہ حملہ آور کو گرفتار کر لیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں