The news is by your side.

Advertisement

مویشی منڈی لگانے پر پابندی عائد

لاہور : پنجاب حکومت نے لاہور میں مویشی منڈی لگانے پر پابندی عائد کردی اور کہا مویشی منڈیوں سےمتعلق چندروزمیں ایس اوپیز واضح کیے جائیں گے۔

تفصیلات کے مطابق پنجاب حکومت نے لاہور میں مویشی منڈی لگانے پرپابندی عائدکردی اور کہا کورونا وائرس کے بڑھتے ہوئے کیسز پرلاہورمیں مویشی منڈیاں نہیں لگیں گی۔

شہری قربانی کے جانور کیسے خریدیں گے، اس حوالے سے سفارشات پر کام جاری ہے، مویشی منڈیوں سےمتعلق چندروزمیں ایس اوپیز واضح کیے جائیں گے ، شہر میں مویشی منڈیوں پر پابند شہریوں کے وسیع مفاد میں کیا گیا۔

لاہور سے باہرکم آبادی والے علاقوں میں مویشی منڈیوں کے قیام کی تجویز زیر غور ہے۔

یاد رہے وزیرداخلہ اعجاز شاہ کا کہنا تھا کہ کوروناکے پیش نظر عیدالاضحیٰ سے قبل جانوروں کی قربانی سمیت دیگر معاملات پر فریقین سے مشاورت ہو گی، جس کے بعد منصوبہ بندی کو حتمی شکل آئندہ ہفتے دی جائے گی۔

اس سے قبل اعجازشاہ نے کہا تھا کہ ‘قربانی ایک مذہبی فریضہ ہے،حکومت ہرممکن سہولت کو یقینی بنائے گی، اس حوالے سے واضح حکمت عملی ترتیب دی جارہی ہے۔

خیال رہے وزیر سائنس اینڈ ٹیکنالوجی فواد چوہدری کا کہنا تھا کہ عیدالاضحیٰ31جولائی کوہوگی ، 21 جولائی کوذی الحجہ کا چاند کراچی میں دوربین سے دیکھا جاسکے گا۔

Comments

یہ بھی پڑھیں