The news is by your side.

Advertisement

پنجاب کے سرکاری اسپتالوں کو اپ گریڈ کیا جا رہا ہے، یاسمین راشد

لاہور: صوبائی وزیر صحت ڈاکٹر یاسمین راشد کا کہنا ہے کہ پنجاب کے سرکاری اسپتالوں کواپ گریڈ کیا جا رہا ہے۔

تفصیلات کے مطابق وزیرصحت پنجاب نے وزارت صحت اسلام آباد کے اجلاس میں شرکت کی۔ لیڈی ہیلتھ ورکرز پروگرام، ہیپاٹائٹس سی پر قابو پانے کے اقدامات کا جائزہ لیا گیا۔ اجلاس میں خاندانی منصوبہ بندی، مختلف ورٹیکل پروگرامز کا بھی تفصیلی جائزہ لیا گیا۔

ڈاکٹر یاسمین راشد نے اجلاس میں کہا کہ ہیپاٹائٹس سی کے تدارک،خاندانی منصوبہ بندی کے لیے اقدامات کر رہے ہیں، ورٹیکل پروگرامز سے ہزاروں مریضوں کو مفت علاج مل رہا ہے۔

وزیر صحت پنجاب کا کہنا تھا کہ ایئرپورٹس پرمسافروں کی اسکریننگ میں مکمل معاونت کی جا رہی ہے، سیکرٹری ہیلتھ ایئرپورٹس پر اقدامات کا خود جائزہ لے رہے ہیں۔

لاہور ہائی کورٹ نے وزیر صحت یاسمین راشد کو طلب کرلیا

یاد رہے کہ گزشتہ ہفتے چیف جسٹس لاہور ہائی کورٹ مامون رشید شیخ نے اسپتالوں کا فضلہ نہ اٹھانے کے خلاف درخواست پر سماعت کے دوران ریمارکس دیے کہ اسپتالوں کے فضلےکے معاملے پر محکمہ ماحولیات کیوں سویا پڑا ہے، بتایا جائے اسپتال کے فضلے کو ری سائیکل کر کے سرنجیں پھر مارکیٹ میں کیسے آ رہی ہیں۔

لاہور ہائی کورٹ نے اسپتالوں کا فضلہ نہ اٹھانے کے خلاف درخواست پر صوبائی وزیر صحت ڈاکٹر یاسمین راشد کو 29 جنوری کو طلب کیا تھا۔

fb-share-icon0
Tweet 20

Comments

comments

یہ بھی پڑھیں