The news is by your side.

پنجاب حکومت نے آٹے کی قیمت بڑھا دی

پنجاب حکومت نے آٹے کی قیمت بڑھانےکی منظوری دےدی۔

حکومر نے آٹے کی قیمت میں اضافے کا نوٹیفکیشن جاری کر دیا ہے جس کے مطابق سرکاری گندم کی قیمت میں 535 روپےفی من اضافہ کیا گیا ہے۔

فلورملز نے 20 کلو آٹے کے تھیلےکی قیمت 980 سے بڑھا کر 1295 روپےکر دی ہے۔ آٹےکی فی کلوقیمت میں 15روپے 75 پیسےاضافہ کیا گیا ہے۔

سرکاری گوداموں سے گندم کی قیمت 1765 سے بڑھا کر 2300 روپے فی من کر دی گئی ہے جب کہ فلورملز کے یومیہ کوٹے میں 1800ٹن اضافہ کیا گیا ہے۔

دوسری طرف نیشنل فلڈ ریسپانس سینٹر کا کہنا ہے کہ ملک میں گندم کے وافر ذخائر موجود ہیں، اور قلت کا کوئی خدشہ نہیں۔

کوآرڈینیٹر نیشنل فلڈ ریسپانس سینٹر میجر جنرل ظفر اقبال کا کہنا ہے کہ پاکستان میں گندم کے وافر ذخائر موجود ہیں، قلت کا کوئی خدشہ نہیں، ملک میں 7 ملین ٹن گندم موجود ہے، اور ایک ملین ٹن مزید آ رہی ہے۔

Comments

یہ بھی پڑھیں