The news is by your side.

شاہد مسعود نے بے بنیاد الزامات لگا کرتحقیقات ڈی ٹریک کرنے کی کوشش کی: پنجاب حکومت

لاہور:ترجمان پنجاب حکومت ملک احمد خان نے کہا ہے کہ شاہد مسعود نے بے بنیاد الزامات لگائے، اسٹیٹ بینک نے بھی تصدیق کردی ہے کہ عمران علی کے کوئی اکاؤنٹس نہیں۔

ان خیالات کا اظہار ترجمان پنجاب حکومت نے زینب کیس میں ڈاکٹر شاہد مسعود کے انکشافات، ان سے متعلق تحقیقاتی کمیٹی کی تشکیل و تفتیش سے متعلق کہی۔

ملک احمد خان کا کہنا تھا کہ دعویٰ کیا گیا کہ ملزم عمران کے فارن بینک اکاؤنٹس ہیں، سپریم کورٹ میں بھی الزامات سے متعلق دستاویزات جمع کرائی گئیں، البتہ الزامات لگانے والے اینکر نوٹس بھجوانے کے باوجود جے آئی ٹی میں نہیں آئے۔ رابطہ کرنے پران کا فون بھی بند مل رہا ہے۔

ترجمان پنجاب حکومت کا کہنا ہے کہ اسٹیٹ بینک کی طرف سے تفصیلات آچکی ہیں، جو کاغذات دیے گئے تھے، ان کی تصدیق نہیں کی گئی تھی۔

زینب قتل کیس: ملزم عمران کا کوئی اکاؤنٹ نہیں ملا: ذرائع اسٹیٹ بینک

ان کا کہنا تھا کہ شاہد مسعود نے بے بنیاد، من گھڑت الزامات لگائے۔ جےآئی ٹی کے سامنے پیش ہوئے نہ جواب دیا، معلوم نہیں انھوں نے ایسے الزامات کیوں لگائے ، کیس کا رخ موڑنےکی کوشش کی گئی.

انھوں نے الزام لگایا کہ شاہد مسعود نےتحقیقات کوڈی ٹریک کرنے کی کوشش کی، دومرتبہ بلایا گیا، مگروہ نہیں آئے، شاہد مسعود کی دروغ گوئی نے قوم کو ہیجان میں مبتلا کیا، شاہد مسعود کے الزامات اورخبرپرفیصلہ سپریم کورٹ کرے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں