The news is by your side.

Advertisement

پنجاب حکومت اپنی 2سالہ کارکردگی کل عوام کے سامنے پیش کرےگی

لاہور : پنجاب حکومت اپنی 2سالہ کارکردگی کل عوام کے سامنے پیش کرےگی، وزیراعلیٰ پنجاب عثمان بزدار نے کہا ہے کہ دو سال میں صوبے کی بہتری کیلئے ہر ممکن اقدام کیا۔

تفصیلات کے مطابق پنجاب حکومت اپنی2 سالہ کارکردگی عوام کے سامنے پیش کرےگی، اس ضمن میں تقریب 2 ستمبر کو 90 شاہراہ قائداعظم پر ہوگی۔

وزیرخزانہ پنجاب ہاشم جواں بخت محکموں کی کارکردگی کا جائزہ پیش کریں گے، وزیراعلیٰ پنجاب عثمان بزدارتقریب کے مہمان خصوصی ہوں گے جبکہ صوبائی وزراء، سیکرٹریز اور متعلقہ حکام بھی تقریب میں شریک ہوں گے۔

عثمان بزدار پنجاب حکومت کی 2سالہ کارکردگی کے حوالے سے بھی خطاب کریں گے۔

وزیراعلیٰ پنجاب عثمان بزدار نے کہا ہے کہ دوسال میں صوبےکی بہتری کیلئےہرممکن اقدام کیا، پنجاب کوبہترسےبہترین بنانے کے سفر کا آغاز کردیا ہے۔

عثمان بزدار کا کہنا تھا کہ عوام کےمسائل حل کرنےکیلئےمیں اورمیری ٹیم دن رات کوشاں ہیں، عوامی مسائل سےآگاہی حاصل کرنے کیلئے شہروں کے دورے کر رہا ہوں۔

انھوں نے مزید کہا کہ ہم نےمختصرترین مدت میں ریکارڈپالیسیاں اورقوانین منظورکرائے، ہرمحکمےکی اوورہالنگ کی جارہی ہے،سرکاری امور میں بہتری لارہے ہیں، ہماری پالیسی میرٹ اورشفافیت ہے،کسی کوانحراف کی اجازت نہیں دیں گے۔

Comments

یہ بھی پڑھیں