The news is by your side.

پی ٹی آئی کا ممکنہ احتجاج : پنجاب حکومت کا اسلام آباد میں پولیس نفری نہ بھجوانے کا فیصلہ

لاہور : پنجاب حکومت نے وزارت داخلہ کی درخواست پر جواب دیتے ہوئےاسلام آباد میں پولیس نفری نہ بھجوانے کا فیصلہ کرلیا۔

تفصیلات کے مطابق پنجاب حکومت نے اسلام آباد میں پولیس کی نفری نہ بھجوانے کا فیصلہ کرلیا۔

آئی جی اور وزیرداخلہ پنجاب نے وفاقی وزارت داخلہ کے مراسلے کا جواب بھیج دیا ہے۔

جس میں کہا گیا ہے کہ نفری نہ بجھوانے کا فیصلہ باہمی مشاورت سے کیا گیا ہے ، بوقت ضرورت سیکیورٹی کے پیش نظر راولپنڈی پولیس کو ذمہ داریاں سونپی جائیں گی۔

یاد رہے چیئرمین تحریک انصاف عمران خان کی جانب سے لانگ مارچ کی کال کے پیش نظر وفاقی پولیس نے صوبوں سے 30 ہزار اہلکار مانگے تھے۔

ذرائع کا کہنا تھا کہ پنجاب سے 20ہزار،کےپی سے 4 ہزار جبکہ 6 ہزار نفری رینجرز مانگی گئی۔

Comments

یہ بھی پڑھیں