The news is by your side.

Advertisement

خواتین کو ہراساں کرنے کے واقعات کیخلاف یونیورسٹیز میں مہم چلانے کا اعلان

لاہور : گورنرپنجاب چوہدری سرور نے خواتین کو ہراساں کرنے کے واقعات کیخلاف یونیورسٹیز میں مہم چلانے کا اعلان کردیا۔

تفصیلات کے مطابق گورنر پنجاب چوہدری سرور نے لاہور کالج فاروومن یونیورسٹی میں خطاب کرتے ہوئے خواتین کو ہراساں کرنے کے واقعات کیخلاف یونیورسٹیز میں مہم چلانے کا اعلان کردیا۔

چوہدری سرور نے سفارشات کیلئے نو وائس چانسلرز پر مشتمل کمیٹی قائم کرتے ہوئے کہا مجرموں کونشانِ عبرت بنانے کیلئےقانون میں ترامیم کی جائے گی۔

گورنر پنجاب کا کہنا تھا کہ ملک میں ہرشعبے میں سزا اور جزا کو یقینی بنایا جائے گا، خواتین کوہراساں کرنے کے واقعات میں اضافہ ہورہاہے، خواتین کوآگے بڑھانے کے مواقع فراہم کرناحکومت کی اوّلین ترجیح ہے۔

انھوں نے مزید کہا کہ پاکستان کودرپیش چیلنجز سے نمٹنے کے لیے اتحاد کی ضرورت ہے، پاکستان میں ٹیلنٹ کی کمی نہیں کچھ بھی ناممکن نہیں، وزیر اعظم کی قیادت میں پاکستان کو مضبوط و خوشحال بنایا جائے گا۔

بھارت کے حوالے سے چوہدری سرور کا کہنا تھا کہ بھارت جھوٹ کو دنیا میں سچ ثابت کرنے کی ناکام کوشش کررہا ہے، پہلے بھی بھارت کاچہرہ بے بے نقاب کیاآئندہ بھی بے نقاب کریں گے ، کشمیریوں پربھارت بد ترین دہشت گردی کررہا ہے۔

Comments

یہ بھی پڑھیں