لندن : گورنرپنجاب چوہدری سرور کے صاحبزادے دوسری بار بطور رکن اسکاٹش پار لیمنٹ کامیاب ہوگئے، چوہدری محمد سرور نے بیٹے کی کامیابی پر خوشی کا اظہار کرتے ہوئے کہا انس سرور کی کامیابی ہر اوورسیز پاکستانی کے لیے اعزاز ہے۔
تفصیلات کے مطابق گورنرپنجاب چوہدری سرور کے صاحبزادے دوسری بار بطوررکن اسکاٹش پار لیمنٹ کامیاب ہوگئے ، اسکاٹش لیبر پارٹی کے ٹکٹ پرانس سرور گلاسکو سے کامیاب ہوئے، انس سرور اسکاٹش لیبر پارٹی کے سر براہ کا الیکشن بھی جیت چکے ہیں۔
گورنر پنجاب چوہدری محمد سرور نے بیٹے کی کامیابی پر خوشی کا اظہار کرتے ہوئے کہا انس سرور کی کامیابی ہر اوورسیز پاکستانی کے لیے اعزاز ہے۔
انس سرور نے اس عزم کا اظہار کیا کہ اوورسیز پاکستانیوں اور گلاسکو کے عوام کا بھرپور مقدمہ لڑوں گا، خوشی ہے بطور پاکستانی بر طانیہ کی سیاست میں کامیابی سےآگے بڑھ رہا ہوں۔
یاد رہے رواں سال فروری کے آخر میں گورن پنجاب چوہدری محمد سرور کے صاحبزادے انس سرور کو اسکاٹش لیبر پارٹی کے نئے لیڈر کے طور پر منتخب کیا گیا تھا ، گلاسگو سے تعلق رکھنے والے سکاٹش پارلیمنٹ کے رکن انس سرور نے اس مقابلے میں شامل واحد امیدوار مونیکا لینن کو شکست دی تھی۔
خیال رہے انس سرور برطانیہ میں کسی بڑی سیاسی جماعت کے پہلے ایسے رہنما ہیں جو سفید فام نہیں۔
