لاہور: پنجاب حکومت نے اٹلی میں گولڈ میڈل جیتنے پر انعام بٹ کو دس لاکھ روپے دینے کا اعلان کیا ہے۔
اے آر وائی نیوز کے مطابق پنجاب حکومت نے چیمپئن ریسلر انعام بٹ کیلئے گولڈ میڈل جیتنے پر دس لاکھ روپے انعام دینے کا اعلان کیا۔ صوبائی وزیر کھیل رائے تیمور بھٹی نے سماجی رابطے کی ویب سائٹ پر انعام بٹ کو مبارک باد دیتے ہوئے کہا کہ ’وزیراعظم پاکستان عمران خان کے وژن کے تحت حکومت پنجاب کھیل اورکھلاڑیوں کی فلاح کیلئےکام کرتی رہے گی‘۔
انہوں نے انعام بٹ کو دس لاکھ روپے دینے اور واپسی پر تقریب منعقد کرنے کا اعلان کیا۔
چیمپئن ریسلر @InamTheWrestler کا ورلڈ بیچ گیمز میں گولڈ میڈل جیتنے پر محکمہ سپورٹس پنجاب کی جانب سے 10 لاکھ روپے انعام کا اعلان کرتا ہوں۔
انعام آپ پاکستان کی شان ہیں۔
وطن واپسی وزیر اعلی پنجاب خصوصی تقریب میں انعام دیں گے۔
وزیر اعظم کے وژن کے تحت کھیلوں کی ترقی کا سفر جاری ہے۔ pic.twitter.com/6txphldTMf
— Rai Taimoor Khan Bhatti (@RaiTaimoorPTI) September 5, 2021
حکومتی اقدام پر قومی فاسٹ بولرحسن علی نے بھی تعریف کی اور صوبائی وزیر کھیل رائے تیمور بھٹی کو گوجرانوالہ آمدکی دعوت دیتے ہوئے کہا کہ آپ کی جانب سےحیدر علی، انعام بٹ اور طلحہ طالب کی حوصلہ افزائی کرتے دیکھ کر بے حد خوشی ہوگی۔
This is a wonderful initiative 👏🏼👏🏼👏🏼
I invite and welcome you to Gujranwala and would love to see you appreciating @HaiderAthlete @InamTheWrestler and @_talha_talibiA we’ll see more champions from Gujranwala representing and making Pakistan proud at the highest level. https://t.co/9fJTdsmCCF
— Hassan Ali 🇵🇰 (@RealHa55an) September 5, 2021
واضح رہے کہ ایک روز قبل پاکستانی ریسلرانعام بٹ نے اٹلی میں ہونے والی بیچ ورلڈ سیریز ریسلنگ چیمپئن شپ میں شاندار کامیابی حاصل کی، فائنل میں اُن کا مقابلہ یوکرینی حریف سے ہوا، جس میں پاکستانی ریسلر نے حریف کو تین صفر سے آؤٹ کلاس کیا تھا۔
