The news is by your side.

Advertisement

صحت انصاف کارڈ کا دائرہ کار مرحلہ وار بڑھانے کا فیصلہ

لاہور : حکومت پنجاب نے  صحت انصاف کارڈ کا دائرہ کار مرحلہ وار بڑھانے کا فیصلہ کرلیا ،وزیراعلیٰ پنجاب نے کہا وہ دن دور نہیں جب صحت اور علاج کی بہترین سہولتیں ہر شہری کو ملیں گی۔

تفصیلات کے مطابق وزیراعلیٰ پنجاب عثمان بزدار کی زیرصدارت اعلیٰ سطح کا اجلاس ہوا ، جس میں صحت انصاف کارڈ اور علاج معالجے کی تفصیلات پر بریفنگ دی۔

اجلاس میں صحت انصاف کارڈ کا دائرہ کار مرحلہ وار بڑھانے کا فیصلہ کیا گیا ، عثمان بزدار نے کہا کہ پہلے مرحلے میں 51 لاکھ سے زائد خاندانوں کو صحت انصاف کارڈ فراہم کئے جا چکے ہیں، صحت انصاف کارڈ کا دائرہ کار بتدریج بڑھائیں گے۔

وزیراعلی پنجاب کا کہنا تھا کہ ابتدائی طور پر غریب اور مستحق خاندانوں کو صحت انصاف کارڈ فراہم کئے جا رہے ہیں، غریب آدمی کے دکھ اور مشکلات کو صحت انصاف کارڈ کے ذریعے کم کرنا چاہتے ہیں۔

انہوں نے کہا کہ وہ دن دور نہیں جب صحت اور علاج کی بہترین سہولتیں ہر شہری کو ملیں گی ، صحت انصاف کارڈ اسکیم میں کسی سطح پر کوتاہی برداشت نہیں کی جائے گی۔

عثمان بزدارکا کہنا تھا بہترین علاج کی سہولت پنجاب کے ہر شہری کا پورا حق ہے، سرکاری ملازمین، مدارس کے طلبا اور اساتذہ، صحافیوں اور دیگر طبقات کو بھی صحت انصاف کارڈ دیئے جائیں گے۔

Comments

یہ بھی پڑھیں