site
stats
پاکستان

پنجاب: اسکول کی کتابوں اور یونیفارم کیلئے دکان مخصوص کرنے پر پابندی

لاہور: صوبہ پنجاب میں اسکول انتظامیہ کی جانب سے بچوں کے یونیفارم اور کتابیں مخصوص دکان سے خریدنے پر پابندی عائد کردی گئی۔

پنجاب حکومت نے نجی اسکولوں کی لوٹ مار اور اجارہ داری کے خلاف ایک اور قدم اٹھالیا،نجی اسکولوں کی جانب سے والدین کوبچوں کے یونیفارم مخصوص دکانوں سے خریدنے کا پابندکردیا گیا تھا، جس میں اسکول انتظامیہ اور دکان دار مل کر کمیشن وصول کھاتے تھے اور والدین کو انتہائی مہنگے داموں، کتابیں اور یونیفارم فروخت کرتے تھے۔

اے آر وائی نیوز کے نمائندے بابر ڈوگر کے مطابق پنجاب حکومت نے اس عمل کا نوٹس لیتے ہوئے یونیفارم اور کتابوں کی خریداری کے لیے دکان مختص کرنے پر پابندی عائد کردی ہے، اب والدین کتابیں اور یونیفارم کسی بھی دکان سے خرید کر بچوں کو فراہم کرسکتے ہیں۔

چند روز قبل بھی پنجاب حکومت نے نجی اسکولوں کی لوٹ مارکے خلاف ایک بہترین قدم اٹھایا تھا جس میں انہیں پابند کیا گیا تھا کہ وہ سالانہ فیس میں آٹھ فیصد سے زائد اضافہ نہیں کرسکیں گے۔

یہ بھی پڑھیں:پنجاب کے نجی اسکول من مانی فیسیں نہیں بڑھاسکیں گے

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top